6. Cape Hillsborough, Yeppoon and Agnes Water

D Links zu üsne nächste Videos:
Meh Text nach de Links

Part 1: https://photos.app.goo.gl/LbTJaaNUwRAeSqpO2

Part 2: https://photos.app.goo.gl/5jiuOS2hdwp6sKkk1

Part 3: https://photos.app.goo.gl/uqcr95ivyTYndCAm2

Nach Airlie Beach heimer üs ufgmacht wyter i Süde abe. Dr erst Stopp heimer im Nationalpark Cape Hillsborough gmacht. Dert heimer üse erst Kontak mit Schlange gha, u mir si zimlech verchlüpft! E oustralischi Familie, womer ufem Camping hei kenne glehrt, het üs de versicheret, dass die nid giftig sige. D'Familie het üs sogar grad zum Znacht iyglade u am nächste Morge heimer dörfe mit ihrem Kajak ufem Meer ga es Ründeli dräieh. Sie hei üs no Yeppoon empfohle, e chlyneri Stadt grad bi Rockhampton. Dert heimer de trotz starchem Wind oh no 2 Nächt verbracht. Wo dr Wind chly het nacheglah heimer no e Tagesusflug i Rockhampton Zoo gmacht.
Vo Yeppoon simer när i Mount Archer Nationalpark gfahre. Dert simer gloffe, viu gloffe.... Nach üsne Wanderige simer diräkt nach Agnes Water gfahre, wo üs mit sine Buchte u Sunneuntergäng het fasziniert. Ufemne Camping z'mitzt im Busch, heimer oh no erläbt wies isch, weme dusse bi Dunkuheit mues chaut dusche u irgendwelchi Tier a eim verbi renne, wo me nid cha zueordne wases isch gsi (wüus isch dunku xy logischerwiis). Vo Agnes Water simer ire viertu Stund in Seventeen Seventy xy. Es schöns Dörfli diräkt am Meer. Aber meh aus chly am Strand liege, het me hie leider nid würk chönne mache.
Drum simer när vo Seventeen Seventy nach Hervey Bay gfahre. Vo hie us gömer nach Fraser Island. Machetnech ufnes abentürlechs nächsts Video gfasst :)