Dür Oustralie bis id USA

D Links zu üsne nöie Videos (lieber spät aus nie) Meh Text nach de Links, unbedingt ga läse! Part 1:  https://photos.app.goo.gl/RUotVIEKYzdO9WgI2 Part 2:  https://photos.app.goo.gl/TR7Y9nfKaeGJKqbw2 Part 3:  https://photos.app.goo.gl/UzgJ78QfoBGYecA03 27.05.2018 11:30 Uhr (Ortszeit) Mir heis ändlech gschafft üsi nöie Videos ufez'lade. Mir hei ir letshde Zyt so viu Nöis xeh u so viu erläbt, ds isch ungloublech! Mir hei di Zyt wöue gniesse, u drum heimer se nid mit Videos schnide verbracht. Derfür gits iz grad 3 Videos ufzmau! Juhuu! Nach Cairns simer uf Mission Beach abegfahre, e wunderschöne Strand, aber viu heimer dert nid chönne mache. Drum simer när nach Townsville gfahre u vo dert uus mit dr Fähri uf Magnetic Island. Sone wunderschöni Insle hei mir beidi no säute xeh! Mir hei Koalas knuddledt, Wombats gstriichlet, Papageie gfüetteret u e Jet Ski Tour gmacht. Nach Magnetic Island isches für üs wyter gange nach Airlie Beach, dert simer aus ersts grad ufne...

Link zum (wiedermau chly verpätete, derfür mega tolle) Video: Meh Text nachem Link https://photos.app.goo.gl/x275igiE96Ui67Hm6 Nachere unerwartete Planänderig, simer izze mitem Spaceship, üsem gliebte Campervan ungerwägs. Mir hei 3 Nächt in Cairns verbracht, womer natürlech no am Great Barrier Reef si ga Schnorchle. Mir hei sogar e chlyne Hai xeh, aber leider het me ne ufem Video nid würk xeh. När simer ufere Strass ar Küste entlang bis zure unerwartete Fähri gfahre u vo dert wyter ufere Strass mit gfühte 1000 Kurve i Rägewaud. Nachere abentürleche erste Nacht im Rägewaud heimer üs ufgmacht u si ga d Umgäbig erkunde.  Speter simer när mit üsem Campervan wyter richtig Süde gfahre. Next Stop: Mission Beach

Link zum (ändlech) nöie Video Meh Text wyter unger, nachem Link https://photos.app.goo.gl/SMTPdzMIYl5R5gKk1 04. Mai 2018 17:30 Uhr (Ortszeit Cairns) Nach unzählige Versueche u es paar verlornige Närvesträng speter, heimers gschafft üses Video ufezlade! Z Wlan hie isch extrem schlächt u das vom Mc Donalds übrigens oh! Drby heimer üs äxtra zwöimau gopferet dert ga z'ässe, nur wägem Wlan natürlech *hust hust* Plus heimer no kes App gfunge wo perfekt isch für üsi Videos. Drum müessemers no chli zämebastle.. (Aafänger haut) Mir si mitlerwyle nach Cairns gfloge, es isch chli chüeler u no e haub Stund vorus (vo Darwin här xeh, auso iz 8h Zytverschiebig zur Schwiz). Aber bis izze simer sehr zfriede! Morn geits abentürlech wyter, ar Ostküste entlang. Dir dörft gspannt si, wie mir wyterreise (no more information) Mir wüsse nid, wie guets Wlan mir ir nächste Zyt wärde ha. Drum müesster viellech mau es paar Täg lenger ufnes nöis Video warte :( Sorry!