5. Mission Beach, Magnetic Island & Airlie Beach
D Links zu üsne nöie Videos (lieber spät aus nie)
Meh Text nach de Links, unbedingt ga läse!
Meh Text nach de Links, unbedingt ga läse!
27.05.2018 11:30 Uhr (Ortszeit)
Mir heis ändlech gschafft üsi nöie Videos ufez'lade. Mir hei ir letshde Zyt so viu Nöis xeh u so viu erläbt, ds isch ungloublech! Mir hei di Zyt wöue gniesse, u drum heimer se nid mit Videos schnide verbracht. Derfür gits iz grad 3 Videos ufzmau! Juhuu!
Nach Cairns simer uf Mission Beach abegfahre, e wunderschöne Strand, aber viu heimer dert nid chönne mache. Drum simer när nach Townsville gfahre u vo dert uus mit dr Fähri uf Magnetic Island. Sone wunderschöni Insle hei mir beidi no säute xeh! Mir hei Koalas knuddledt, Wombats gstriichlet, Papageie gfüetteret u e Jet Ski Tour gmacht.
Nach Magnetic Island isches für üs wyter gange nach Airlie Beach, dert simer aus ersts grad ufne 3-Tägigi Bootstour zu de Whitsunday Insle. Dr Whitehaven Beach het üs d Sprach verschlage, u das passiert bi üs zwöi Plappermüüler nid so schnäu. Dä Beach het dr reinst Sand u weme sech drmit iystriicht, het me babyzarti Hut. Zrügg in Airlie Beach heimer üs mit üsne neue Fründe vo Kanada troffe womer am erste Aabe hei kenneglehrt. Mir hei viu mit ihne ungernoh u hei so viu Sache erläbt, womer ellei äue nie hätte gmacht (zum Bispiu Stundelang dür d Gägend fahre fürne gratis Schlafplatz z'finge, wo de meistens irgendwo im Chrutt usse näb dr Strass het g'ändet) Mir si mit ihne i Eungella Nationalpark chly wyter obe im Norde, womer hei Platypus (Schnabutier) u Schiudchrotte xeh. Nach öppe einehaub Wuche heimer üs de schweren Herzens vo ihne verabschiedet.
Mir heis ändlech gschafft üsi nöie Videos ufez'lade. Mir hei ir letshde Zyt so viu Nöis xeh u so viu erläbt, ds isch ungloublech! Mir hei di Zyt wöue gniesse, u drum heimer se nid mit Videos schnide verbracht. Derfür gits iz grad 3 Videos ufzmau! Juhuu!
Nach Cairns simer uf Mission Beach abegfahre, e wunderschöne Strand, aber viu heimer dert nid chönne mache. Drum simer när nach Townsville gfahre u vo dert uus mit dr Fähri uf Magnetic Island. Sone wunderschöni Insle hei mir beidi no säute xeh! Mir hei Koalas knuddledt, Wombats gstriichlet, Papageie gfüetteret u e Jet Ski Tour gmacht.
Nach Magnetic Island isches für üs wyter gange nach Airlie Beach, dert simer aus ersts grad ufne 3-Tägigi Bootstour zu de Whitsunday Insle. Dr Whitehaven Beach het üs d Sprach verschlage, u das passiert bi üs zwöi Plappermüüler nid so schnäu. Dä Beach het dr reinst Sand u weme sech drmit iystriicht, het me babyzarti Hut. Zrügg in Airlie Beach heimer üs mit üsne neue Fründe vo Kanada troffe womer am erste Aabe hei kenneglehrt. Mir hei viu mit ihne ungernoh u hei so viu Sache erläbt, womer ellei äue nie hätte gmacht (zum Bispiu Stundelang dür d Gägend fahre fürne gratis Schlafplatz z'finge, wo de meistens irgendwo im Chrutt usse näb dr Strass het g'ändet) Mir si mit ihne i Eungella Nationalpark chly wyter obe im Norde, womer hei Platypus (Schnabutier) u Schiudchrotte xeh. Nach öppe einehaub Wuche heimer üs de schweren Herzens vo ihne verabschiedet.
Mir zwöi hei üs no e Troum erfüuht u si ga Fauschirmspringe. Mir hei zwar zersch vor Angst fasch id Hose gmacht, aber es isch eini vo üsne beste Erfahrige xy!
Izze geits wyter Richtig Rockhampton, mit par Zwüschestopps ;) dir chöit gspannt sii!
Izze geits wyter Richtig Rockhampton, mit par Zwüschestopps ;) dir chöit gspannt sii!
Kommentare
Kommentar veröffentlichen