3. Litchfield Nationalpark & Krokis in Darwin

Link zum (ändlech) nöie Video
Meh Text wyter unger, nachem Link


04. Mai 2018 17:30 Uhr (Ortszeit Cairns)
Nach unzählige Versueche u es paar verlornige Närvesträng speter, heimers gschafft üses Video ufezlade! Z Wlan hie isch extrem schlächt u das vom Mc Donalds übrigens oh! Drby heimer üs äxtra zwöimau gopferet dert ga z'ässe, nur wägem Wlan natürlech *hust hust*
Plus heimer no kes App gfunge wo perfekt isch für üsi Videos. Drum müessemers no chli zämebastle.. (Aafänger haut)

Mir si mitlerwyle nach Cairns gfloge, es isch chli chüeler u no e haub Stund vorus (vo Darwin här xeh, auso iz 8h Zytverschiebig zur Schwiz). Aber bis izze simer sehr zfriede!
Morn geits abentürlech wyter, ar Ostküste entlang. Dir dörft gspannt si, wie mir wyterreise (no more information)
Mir wüsse nid, wie guets Wlan mir ir nächste Zyt wärde ha. Drum müesster viellech mau es paar Täg lenger ufnes nöis Video warte :( Sorry!

Kommentare

Kommentar veröffentlichen

Beliebte Posts aus diesem Blog

12. Hawaii, Oahu

D'Videos vo Oahu si ändlech fertig! Meh Text nach de Links! Pt.1:   https://photos.app.goo.gl/edhk8h4bPUZ5DWBTA Pt.2:   https://photos.app.goo.gl/yUqXjTEv14JYuk5X7 Uf Oahu acho bini zersch chly überforderet xy... z'erste Mau so richtig ellei ungerwägs, u de ersch no uf sore ungloubleche Insle. Für mi isch e Troum i Erfüuig gange, i ha scho IMMER mau nach Hawaii wöue! Es isch nid lang gange u i hami mit de Lüt im Hostel aagfründet, so ungloublech tolli Mönsche, woni oh no hüt Kontakt zuene ha! Mir hei viiiu Wanderige gmacht, tolli Stränd entdeckt u i ha jedi Sekunde gnosse! Es het soo viu z'xeh gäh u oh nach zwöi Wuche hani lengstens nid aues chönne mache woni gärn hätt wöue In Oahu hani oh mi 22igst Geburi gfyyret. Düre Tag bini ga surfe u am Aabe mit tolle Lüt ire Bar ga aastosse. Es isch eifach super xy u es isch sicher nid mi letshd Ufenthaut dert xy! In Maui bini nur 5 Täg xy, z Video chunnt oh no, wird aber eher es churzes sii, eüui nid so viu ha gfium...
Mehr anzeigen

1. Üsi Reis nach Darwin

Z video zu üsere Reis fingeter unger fougendem Link https://photos.app.goo.gl/cgljMsIhH0itHwul2 24.04.2018 18:30 Uhr (Ortszeit) Wie dir xeht, heimers unversehrt nach Darwin gschafft. Mir si stouz! Nachemne chlyne Mitternachtssnack/Zmorge us dr 24h Tanksteu, wo us Hot Noodles u Chips isch bestande, heimer üs entschiede, doch no e Rundi z'schlafe (so 3h). Am Morge het de dr Jetlag so richtig iygschlage u üs ischs wäsentlech schlechter gange. Nachem offizielle check-in simer no schnäu im Supermarkt öppis chlyses z'Mittag ga iychoufe. Wyteri Plän si vo üsere Müedigkeit übere Huufe gworfe worde u mir hei dr ganz Nami gschlafe. Iz raffe mir üs de doch nomau uf, gö ad Hitz use u gönne üs e gueti Pizza! Das heimer üs verdient!
Mehr anzeigen

11. Wäutmeisterschaft & Chicago

Meh Text wie immer nachem Link! https://photos.app.goo.gl/coNiKs258vefJWRJ9 In Cincinnati aacho hani zersch mau müesse mis Jetlag überwinde. Zudäm isches öppe 20 grad heisser xy aus in Oustralie. Bevor d WM het gstartet hani nid würk viu gmacht. I bi ga jogge, iz Fitness u ha viiiiu gschlafe für nächär richt ready z'sii wes de losgeit. Ar WM simer aus Team leider nid so erfougriich xy.. üsi Taktike hei nid funktioniert u was mr üs hei vorgnoh heimer oh nid würk chönne umsetze. Drfür heimer ungerenand e super Zyt gha u hei näbem Fäud viu chönne zäme lache. Nach dr WM bi ig mit dr Hanna, dr Michèle undem Loïc mitem Böss nach Chicago gfahre. Dert heimer no angeri vo üsem Team troffe u si aui zäme di wunderbari Stadt ga unsicher mache. Nach Chicago si mir nach New York gfloge. Es het so viu z'xeh u z'erläbe gäh, dasi leider nüt würk ha gfiumet. Mir hei eifach e super Zyt ir Stadt wo nie schlaft verbracht. Wyter geiz nach Oahu, Hawaii. Vo dert gits wieder super...
Mehr anzeigen